هديف
05-23-2008, 12:07 AM
هذه قصيدة للشاعر محمد بن عبدالوهاب الفيحاني السبيعي قالها رحمه الله شاكيا حاله بعد الله عزوجل الى أحمد بن عيسى آل ابراهيم المهندي
هيه ياغادي على شبه الظليم=مقتفيه الليل حاديه الظلام
زاد روعه يوم جا وقت العتيم=واستدار و نار في عدوه وهام
استخف وخف خفاق هميم=يوم حال الليل من دون النعام
ارهقه برق ورعاد وديم=لين مابين الثرى والجو حام
كالنجم لي من هوى فوق الرجيم=..مايوهل راكبه رد السلام
عنده المسطاح واحد ولاصميم=مايميز بين بطحا من عدام
بالحلايا لي نظرته قلت ريم=صوره ربي وصاغه بالتمام
من حديد عظامه واعروق وسيم=والصريمه فوق خشمه سيم دام
كن فجه منحره وصف الثليم=من سنام ينتعلق بالغمام
وإن هبط بالراس قلت دماغ ليم=هو كما اللي شارب كاس المدام
فوق متنه ظنتي جوخ رخيم=ومتقوس كاحنينه او حسام
عيد هي من هجان هيج هميم=ماتجيبه لو بغيته بالعسام
عند خفه لي عدا شب الجحيم=للحصا تسمع من الحذف احتطام
حالف راعيه من وادي تميم=ماعدا ليلين لي وادي سنام
عوج لي طارشي مقدام ميم=ميم لام اوباطراف الاقلام
عوج ياذخري وعوني من قديم=عوج يااحمد عوج عاديك الملام
ياسنادي ياعمادي يالزيم=عوج للمعطي على الطيب التزام
ساهل الماخوذ واركد لي وقيم=قدر مايبديه مدة شرب جام
يانديبي ريع واسمع يافهيم=واستصيخ الما بقول من الكلام
سم بالرحمن مولاك الرحيم=لي طويت اسجلتي عقب الختام
رح رعاك الله من عوق اليم=واحفظك بعنايته دوم الدوام
واحرسك بالمرسلات وحاميم=والحجر والحج واقرأ والانعام
لا تخاطي دون دار ابن الحشيم=بو سعد عيناي لي صك الحزام
أحمد اللي لي علا صوت الرهيم=مايهاب الموت الى ثار الكتام
عون بده عوق ضده والخصيم=لاطم الطاغي وللباغي اطعام
وان عزيته ثار بالحمل العظيم=لو سرى في غار به حبل العكام
بالعزوم اللي كما درع حكيم=مابدا بحلاقها بعض انفصام
من قروم كالفحول الها رزيم=في نهار الروع حزات الزحام
يرهبونك كالضواري بالصريم=مايهابون المهالك والعدام
بالمراجل مابهم رجل ذميم=وإن غدينا للكرم ناس اكرام
ياولد عيسى يامشيم=وانتقيتك للعزاوي والشهام
يوم شفت امن العنا نقض البريم=والصبر ماريت عندي له لحام
باشتكي لك وانت باللي بي عليم=ماخاك ادموم حالي والهيام
إنتحالي وانتِحالي كالفطيم=لي تجلو دواجتلد عقب الفطام
ماتشابه ونتي ونة يتيم=لا ولا ونة على داره ادهام
كلما هبت من القبلة نسيم=في ضميري هب لاهوب الغرام
وإن نشا في قربهم بالغرب غيم=رقرقت عيني وهلت بانسجام
شارب كاس الهوى رايب ختيم=دايخ في حبهم ميت حرام
فصلوا لي بالسقم ثوب السقيم=من على راسي تحدر للابهام
واحرقوا يابو سعد قلب هشيم=واصرموا عرقه من الجوشن صرام
مايداوي علتي بدواه ديم=لو يداويها قدر ستين عام
وإن نشدني قلت طبي ياحكيم=بين بيض كالبرد تحت اللثام
ياعذولي لاتلمني ياغشيم=عن محمد كف عذلك والملام
ماسمع سالم ولاطاوع سليم=بالهوى والحب يرجمهم رجام
والهوى قبلي تلف عبدالرحيم=واستجار من الهوى عبدالسلام
واستغاث من الهوى راعي القصيم=وابتلى الناعي على ديم الخزام
حل بي ماصابهم حتما وتيم=ياولد عيسى ولاعنه انهزام
قم توقظ يانديم إن كنت نيم=وانتبه لي عن خويك لاتنام
عزوتي لك في حشاي الها حطيم=لو عزيت بها الحديد اصبح صخام
وإن عزيت أهل الكهف واهل الرقيم=ساعدوني وان عزيت الميت قام
وانت ياولد الطلق كفو كريم=واهقابك تلحق النفس المرام
والف صلّى من جعل موسى كليم=عالم النجوى - على سيد الانام
والسلام يضاف مايفتر مديم=عد ماهلت هماليل الرهام
أو عدد ماهب نسناس النسيم=او عدد ماطيف بالبيت الحرام
هيه ياغادي على شبه الظليم=مقتفيه الليل حاديه الظلام
زاد روعه يوم جا وقت العتيم=واستدار و نار في عدوه وهام
استخف وخف خفاق هميم=يوم حال الليل من دون النعام
ارهقه برق ورعاد وديم=لين مابين الثرى والجو حام
كالنجم لي من هوى فوق الرجيم=..مايوهل راكبه رد السلام
عنده المسطاح واحد ولاصميم=مايميز بين بطحا من عدام
بالحلايا لي نظرته قلت ريم=صوره ربي وصاغه بالتمام
من حديد عظامه واعروق وسيم=والصريمه فوق خشمه سيم دام
كن فجه منحره وصف الثليم=من سنام ينتعلق بالغمام
وإن هبط بالراس قلت دماغ ليم=هو كما اللي شارب كاس المدام
فوق متنه ظنتي جوخ رخيم=ومتقوس كاحنينه او حسام
عيد هي من هجان هيج هميم=ماتجيبه لو بغيته بالعسام
عند خفه لي عدا شب الجحيم=للحصا تسمع من الحذف احتطام
حالف راعيه من وادي تميم=ماعدا ليلين لي وادي سنام
عوج لي طارشي مقدام ميم=ميم لام اوباطراف الاقلام
عوج ياذخري وعوني من قديم=عوج يااحمد عوج عاديك الملام
ياسنادي ياعمادي يالزيم=عوج للمعطي على الطيب التزام
ساهل الماخوذ واركد لي وقيم=قدر مايبديه مدة شرب جام
يانديبي ريع واسمع يافهيم=واستصيخ الما بقول من الكلام
سم بالرحمن مولاك الرحيم=لي طويت اسجلتي عقب الختام
رح رعاك الله من عوق اليم=واحفظك بعنايته دوم الدوام
واحرسك بالمرسلات وحاميم=والحجر والحج واقرأ والانعام
لا تخاطي دون دار ابن الحشيم=بو سعد عيناي لي صك الحزام
أحمد اللي لي علا صوت الرهيم=مايهاب الموت الى ثار الكتام
عون بده عوق ضده والخصيم=لاطم الطاغي وللباغي اطعام
وان عزيته ثار بالحمل العظيم=لو سرى في غار به حبل العكام
بالعزوم اللي كما درع حكيم=مابدا بحلاقها بعض انفصام
من قروم كالفحول الها رزيم=في نهار الروع حزات الزحام
يرهبونك كالضواري بالصريم=مايهابون المهالك والعدام
بالمراجل مابهم رجل ذميم=وإن غدينا للكرم ناس اكرام
ياولد عيسى يامشيم=وانتقيتك للعزاوي والشهام
يوم شفت امن العنا نقض البريم=والصبر ماريت عندي له لحام
باشتكي لك وانت باللي بي عليم=ماخاك ادموم حالي والهيام
إنتحالي وانتِحالي كالفطيم=لي تجلو دواجتلد عقب الفطام
ماتشابه ونتي ونة يتيم=لا ولا ونة على داره ادهام
كلما هبت من القبلة نسيم=في ضميري هب لاهوب الغرام
وإن نشا في قربهم بالغرب غيم=رقرقت عيني وهلت بانسجام
شارب كاس الهوى رايب ختيم=دايخ في حبهم ميت حرام
فصلوا لي بالسقم ثوب السقيم=من على راسي تحدر للابهام
واحرقوا يابو سعد قلب هشيم=واصرموا عرقه من الجوشن صرام
مايداوي علتي بدواه ديم=لو يداويها قدر ستين عام
وإن نشدني قلت طبي ياحكيم=بين بيض كالبرد تحت اللثام
ياعذولي لاتلمني ياغشيم=عن محمد كف عذلك والملام
ماسمع سالم ولاطاوع سليم=بالهوى والحب يرجمهم رجام
والهوى قبلي تلف عبدالرحيم=واستجار من الهوى عبدالسلام
واستغاث من الهوى راعي القصيم=وابتلى الناعي على ديم الخزام
حل بي ماصابهم حتما وتيم=ياولد عيسى ولاعنه انهزام
قم توقظ يانديم إن كنت نيم=وانتبه لي عن خويك لاتنام
عزوتي لك في حشاي الها حطيم=لو عزيت بها الحديد اصبح صخام
وإن عزيت أهل الكهف واهل الرقيم=ساعدوني وان عزيت الميت قام
وانت ياولد الطلق كفو كريم=واهقابك تلحق النفس المرام
والف صلّى من جعل موسى كليم=عالم النجوى - على سيد الانام
والسلام يضاف مايفتر مديم=عد ماهلت هماليل الرهام
أو عدد ماهب نسناس النسيم=او عدد ماطيف بالبيت الحرام